സ്വപ്നം
അന്നുതൊട്ടിന്നോളം ആ മധു സ്വപ്നമെൻ
അകക്കണ്ണിൽ ഉദിച്ചു തിളങ്ങി നിന്നു
ഒരു നുള്ളു സിന്ദൂരമായെൻ നെറുകയിൽ
നീ പടരുന്നൊരു മധുര സ്വപ്നം
തുടിക്കുന്ന നെഞ്ചിൽ ഒരു തൂവൽ പോലെന്നുടൽ
ചേർന്നലിയുന്നരാ വർണ്ണ സ്വപ്നം
മഴ പെയ്യും പാതയിൽ ചേർന്നലയുന്നൊരാ
മൂവന്തിശോഭ പകർന്ന സ്വപ്നം
നല്ലിളളം പുല്ലിൻ മഞ്ഞുനനവിനാൽ
ഉള്ളം കുളിർപ്പിക്കും ഹരിത സ്വപ്നം
കുഞ്ഞിളം തൈകൾതൻ കൊഞ്ചിച്ചിരികൾ
പുൽകിയുണർത്തും അരുമ സ്വപ്നം
കൈയെത്താ ദൂരത്തായ് ജീവിതം നീട്ടുന്നു
എന്നും കൊതിപ്പിക്കും മരീച സ്വപ്നം
No comments:
Post a Comment